ساوايست دى اكس7 افضل انظمة امان فى احدث سيارة من مجموعة اى اف جى مواصفات وامكانيات وكماليات وسعر

Read Time2 Minute, 16 Second

السلام عليكم ورحمة الله وبركاتة

اصدقائى الاعزاء مرحبا بكم فى موضوع جديد لشرح مواصفات وامكانيات وكماليات السيارة  ساوايست دى اكس 7  

اللى المفروض تنزل خلال 7 شهور من انتاج شركة ساوايست اوتو الصينية والوكيل الحصرى فى مصر مجموعة اى اف جى

اول اطلاق للعربية الدى اكس 7  فى مصر فى مؤتمر صحفى عملته مجموعة اى اف جى اللى استحوزت على الوكالة الحصرية لمنتجات ساوايست فى مصر يوم 11 فبراير 2020 

ومعنى الوكالة الحصرية هو الاستحواز على كل منتجات الشركة مش نوع عربية واحد بس … والمقصود جميع منتجات الشركة بالكامل بخط انتاج  قطع الغيار علشان تأمن كل العربيات اللى هتتباع فى مصر

مش زى باقى الوكلاء اللى بيحصل فيها ان الوكيل يشترى نوع معين من شركة بدون قطع غيار وكل مايحتاج قطع غيار يبعت للشركة الام اوردرات وتاخد وقتها لحد ماتصنعله القطع المطلوبة وبعدين تشحنهاله والموضوع ياخدله كام شهر ويوم مايقفل المصنع فى البلد المصدرة كل اللى اشتروا يتسوحوا

يعنى مجموعة اى اف جى اخدت كل منتجات شركة ساوايست بجميع انواع العربيات اللى انتجت واللى لسه هيتم انتاجها وكل عربية نازلة بإحتياطى استراتيجى من قطع الغيار وده يعتبر تامين مدى الحياة لضمان وجود قطع غيار العربية فى اى وقت حتى لو حادثة والعربية اتعجنت لاقدر الله التوكيل هيحل المشكلة بكل سهولة

وكمان شركة اى اف جى عاملة نظام يمنع البيع بالاوفر برايس المعمول بيه فى اغلب التوكيلات ونظام تأمين فى حالة تغير سعر الدولار بمعنى ان الدولار لو نزل هيوفر للعميل بنفس نسبة نزوله ولو الدولار رفع الشركة هتتحمل نسبة الزيادة ودى حاجة جديدة وهتفرق جدا مع عملاء اى اف جى

ساوايست شركة قطاع عام تابعة للحكومة الصينية  وهى اللى صنعت الميتسوبيشى اكليبس الموجودة حاليا فى مصر علشان كده مجموعة اى اف جى المالكة حاليا لتوكيل ساوايست هتحط شعار شركة ساوايست وشعار شركة ميتسوبيشى داخل المعارض ومراكز الخدمة

موتور العربية دى اكس7 هو موتور  ميتسوبيشى اكليبس ونفس المصنع اللى بيصنع  ميتسوبيشى اكليبس هو اللى بيصنع الدى اكس7

دى مش دعوة للشراء علشان الناس اللى بتفهم غلط وتكتب تعليقات قبل ماتعرف اصلا الفيديو بيتكلم عن ايه

اولا العربية لسه مانزلتش رسميا للموزعين او المعارض … العربية لسه قدامها مش اقل من 7 شهور

الموضوع ده عملته بناء على طلب اصدقاء كتير بعد ماشافوا العربية فى البث المباشر للمؤتمر الصحفى … وكانوا عاوزين يعرفوا امكانياتها هنتكلم على الامكانيات والمواصفات والكماليات من البورشور الرسمى

وفى الاخر السعر اللى هتنزل بيه

عايزين تعرفوا طبعا السعر علشان تقدروا تقيموا العربية من ناحية القيمة مقابل السعر

سعر الفئة الاولى من دى اكس 7 ب 370 الف جنية

الفئة الاعلى من دى اكس7 اللى اسمها ب  400 الف جنية

هعملكم استطلاع رأى فى القناة علشان اعرف رايكم فى السعر ده هل هو مناسب لكل الامكانيات دى ولا قليل مقارنة بباقى السيارات المنافسة ولا مبالغ فيه اكتبولى رايكم فى التعليقات

اتمنى اكون قدمتلكم معلومة مفيدة اشكركم لحسن المتابعة

السلام عليكم ورحمة الله وبركاتة

1 1

About Post Author

matrex2018

مهندس اتصالات عملت فى مجال انظمة الامان والتوجية والمحركات ونواقل الحركة الحديثة للسيارات على مدى 25 عام خبرة فى هذا المجال بيع وشراء وتقييم وإصلاح وتعديل 01113276111 - 01201039849
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

Related posts