مقارنة بالدرجات بين 5 عربيات فى السوق المصرى موديل 2020 بسعر من 200 الى 210 الف جنية من حيث المواصفات والإمكانيات

Read Time0 Second

السلام عليكم ورحمة الله وبركاتة

اغلب اللى بيفكر يشترى عربية بيدور دايما على الفئة السعرية من 200 الى 210 الف جنية

علشان يمكن هو ده الرقم المتوفر مع الفئة المتوسطة  اللى عاوزين يشتروا عربيات سواء كاش او قسط

وهو ده بداية سعر العربيات المعقولة فى السوق حاليا

الموضوع ده مش دعوه للشراء فى الوقت الحالى لكن دى مجرد مقارنة بين مجموعة عربيات فى نفس الفئة السعرية

وكل اللى بيسألنى عن الشراء بقوله انتظر لان لسه فى تخفيضات كبيرة جاية

وعلشان نعرف احسن عربية فى حدود السعر ده المقارنة حولتها لدرجات يعنى مثلا

الاوبشنات التافهة هنديها 10 درجات زي طارة جلد مساحات خلفية سبويلر خلفى كل الكلام الغير مؤثر على كفائة العربية واللى ممكن نستغنى عنه وحاجات تانية كتير اغلب الناس اصلا مش بيعرفوا انها عندهم فى العربية الا بالصدفة وممكن يتفاجئ بيها وهو بيبيع عربيته

اما الاوبشنز المهمه خليتها ب 20 درجة زي مثلا فرش الكراسى الجلد او كمبيوتر الرحلات او عجلة القيادة المالتى فانكشنز او وسائد هوائية يعنى من الاخر الاوبشنز الغالية اللى وجودها هيعمل فرق قيمتها بعشرين درجة

بالنسبة للاساسيات المهمة جدا واللى بتأثر على كفائة وامان العربية زى قدرة وعزم المحرك والتسارع واستهلاك البنزين الى اخره هحط ال 10 درجة لكل رقم زيادة عن اقل عربية فيهم بمعنى ان اقل عربية من العربيات اللى فى المقارنة  مثلا قدرتها  86 حصان هتاخد في التقييم صفر والاعلى منها على كل حصان زيادة هتاخد 10 ف لو مثلا العربية اللى بعدها 100 حصان هنطرح 100 – 86 =14 ولان القدرة من الامكانيات المهمه جدا هنضرب 14 * 10 يعنى 140 درجة زيادة

وجود نظام كامل من عدمه هيكون تقييمة  100 درجة زى مثلا ايه بى اس او اي بي دى او نظام الركن الذكى الى اخره

النظام او الاوبشن الموجود في كل العربيات اللى بنقارن بينهم زى اللى مش موجود مش هنحط عليه درجات لانه مش هيفرق بينهم في التقييم

المقارنة هتكون بين العربيات اللى فى الفئة السعرية دى يعنى ممكن تلاقى عربية فئة اولى بنقارنها مع عربية اعلى فئة علشان نفس السعر

فى نهاية المقارنة هخصم 30% من درجة العربيات الصينى لمجرد انها صينى وماحدش من المدافعين عن العربيات الصينى  يزعل و يقولى بتعمل كده ليه

لان انت شخصيا لما بتروح تشترى قطعة غيار لعربيتك بتبعد عن الصينى ودى حاجة مش من تاليفى وكل الناس عارفين الموضوع  ده لو جبت قطعة غيار كورى بتعيش 10 اضعاف الصينى يعنى ده مش سر ان الصناعة الصينى تعبانة وخاماتها سيئة او ان اللى بيجيلنا مصر بالذات صناعة سيئة وده بسبب المستوردين

لانى شوفت منتجات صينى محترمة فى السعودية وغيرها من الدول لكن احنا بنتكلم دلوقتى عن مصر وعن المستورد المصرى

ولو مش مقتنع بكلامى اسأل تجار قطع الغيار واسال مراكز الصيانة والميكانيكية اسال سواقين التاكسى قولهم اجيب قطعة غيار كورى ولا تايوانى ولا صينى

ولا تقولى بس دى عربية  ام جى  وكانت متجوزة واحد انجليزى واشتغالات التوكيل اللى ضاحك بيها على الناس علشان يزود المبيعات ولا الكلام الفاضى ده

الصينى اللى بينزل مصر كله تعبان وعمره قصير وانظمة الامان فيه منظر على الفاضى وسعر اعادة البيع ضايع مع كامل احترامى لكل اصحاب العربيات الصينى ولكن الحق يقال

وفى الاول والاخر ده رأى شخصى اللى عاوز ياخد بيه اهلا وسهلا مش عاوز براحته  

وفى آخر الموضوع وبعد مانستعرض المواصفات والكماليات لكل عربية هجمع الدرجات وهقول كل عربية جابت كام درجة وهرتب العربيات مرتين

مره بدون خصم ال 30% بتاعة الصينى علشان نعرف افضل عربيات للناس اللى مش فارق معاها الصناعة الصينية

والمرة التانية الترتيب بعد خصم 30% للناس اللى  بتخاف وبتبعد عن الصينى

وهقولكم رايى المتواضع الغلبان لافضل عربية مواصفات وامكانيات فى حدود السعر ده اللى هو من 200 الى 210 الف جنية  

لو عجبك الموضوع وحسيت انك استفدت ولو بمعلومة بسيطة ماتبخلش علينا بلايك واشترك فى القناة وفعل ذر الجرس علشان يجيلك كل الجديد والمفيد فى عالم السيارات

نبدأ على بركة الله

فى الفئة السعرية دى من 200 الى 210 الف هنقابل 7 انواع عربيات وهنقارن بين 5 منهم بس موديل 2020 فى كل حاجة لحد مانعرف مين الافضل المقارنة هتكون بين 5 عربيات بس لان فى عربيتين موديل 2019 طلعتهم من المقارنة لاننا خلاص فى سنة 2020

منهم رينو سانديرو هاتشباك ب 209 الف

وفيات بونتو هاتشباك ب 203 الف

الخمس عربيات اللى معانا فى المقارنة موديل 2020 هم

نيسان صنى بسعر 200 الف جنية

شيفرولية نيو اوبترا بسعر 208 الف جنية

شيفرولية افيو بسعر 203 الف جنية

ام جى 5 بسعر 210 الف جنية

شيرى اريزو 5 بسعر 209 الف جنية

وبكده نكون انتهينا من تقييم الخمس انواع اللى معانا

وكان ترتيب السيارات من حيث المواصفات والامكانيات وبدون خصم ال 30% من السيارات الصينى كالاتى :

شيرى اريزو5  –  شيفرولية نيو اوبترا –  ام جى 5 –  نيسان صنى – والافيو فى المركز الاخير بفرق كبير

اما لو حبينا نعمل الصح ونحط السيارات الصينى فى مكانها المناسب ونخصم 30% على الاقل من تقييمها  خامات سيئة وعمر قصير وعيوب صناعة الى اخره

هيكون الترتيب كالاتى:

شيفرولية نيو اوبترا  –  شيرى اريزو5  –  ام جى5 –  نيسان صنى –  شيفرولية افيو

يعنى النيسان صنى والشيفرولية افيو فاشلين فى كل الاحوال قبل الخصم زى بعد الخصم

والشيفرولية نيو اوبترا والشيرى اريزو5 عربيات محترمة وامكانياتها متفوقة

عاوز تاخد القائمة الاولى وهتتحمل مشاكل الصينى شغال وهتبقا افضل عربية شيرى اريزو5

ولو عاوز القايمة التانية بعد خصم الثلث من تقييم الصينى برضه شغال وهتبقا افضل عربية فى الفئة السعرية دى الشيفرولية نيو اوبترا

واكيد كل انسان مسئول عن اختياراته

فى النهاية اتمنى اكون افدتكم ولو بمعلومة بسيطة وياريت تكتبولى فى التعليقات لو كان اسلوب المقارنة عجبكم علشان اكرره فى فئات سعرية مختلفة للزيرو والمستعمل

اشكركم لحسن المتابعة

السلام عليكم ورحمة الله وبركاته

5 0

About Post Author

matrex2018

مهندس اتصالات عملت فى مجال انظمة الامان والتوجية والمحركات ونواقل الحركة الحديثة للسيارات على مدى 25 عام خبرة فى هذا المجال بيع وشراء وتقييم وإصلاح وتعديل 01004003204 - 01008330575
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

Related posts