هيونداى النترا AD موديل 2020 مهزلة الفئات السبعة والموتور الواحد آخر ابداعات توكيل غبور

Read Time5 Minute, 56 Second

السلام عليكم ورحمة الله وبركاتة

اصدقائى الاعزاء مرحبا بكم من جديد فى فيديو عن السيارة هيونداى النترا ايه دى موديل 2020 ومعلومات عن اللى نازلة فى الدول العربية واللى نازلة عالميا واللى بتتباع عندنا فى مصر المحروسة

وفى نهاية الفيديو مواصفات كاملة للهيونداى النترا AD اكسكلوسيف موديل 2020 المباعة فى مصر

 اهم ما حصلت علية سيارات النترا 2020 الكورية المزودة بمحرك 4 سلندر هو انها تخلت عن صناديق التروس المانيوال والاوتوماتيك العادية وحصلت على فتيس آى فى تى إختصارا  

intelligent variable transmission  

وبالكلام ده   دخلت فى سباق التطور والتكنولوجيا

واكيد ناس كتير تعرف تكنولوجيا آى فى تى بتأثر ازاى على آداء السيارات

خلاصة التكنولوجيا دى انها بتنعكس ايجابا على استهلاك البنزين وبتوفر لدرجة ان عربية مثلا سعة محركها 2000 سي سي

ممكن  8 لتر من البنزين يمشوها 100 كم

ومن ضمن التحديثات اللى حصلت عليها السيارة هيونداى النترا AD موديل 2020

شاشة 3.5 بوصة على لوحة العدادات ونظام تحكم فى التكييف بمنطقتين وانظمة امان حديثة بالإضافة للأنظمة اللى بقت عادية واللى هنتكلم عنها فى المواصفات زادت الالنترا ايه دى نظام المحافظة على المسار ونظام تنبيه السائق فى حالة الغفلة

ممكن لو عجبك الفيديو تدوس لايك وتشير الفيديو علشان المعلومة ماتقفش عندك وممكن تشترك فى القناة وتفعل زر الجرس علشان يجيلك كل الجديد فى عالم السيارات

نبدأ على بركة الله

فى الاسواق العربية السعودية والخليج بتتوفر العربية بمحرك 4 سلندر 2000 سي سي 147 حصان 179 نيوتن متر

ومحرك 1600 سي سي 4 سلندر 126 حصان 155 نيوتن متر

فى الاسواق العالمية بتتوفر محركات مختلفة تماما

يعنى بتنزل فى باقى دول العالم بفئتين

الفئة الاولى محرك 4 سلندر سعة 1600 سي سي مع تيربو بقوة 201 حصان 265 نيوتن متر

الفئة الثانية محرك 4 سلندر 1400 سي سي مع تيربو بقوة 128 حصان 211 نيوتن متر

فى مصر حاجة عجيبة خالص العربية نازلة 7 فئات بنفس الموتور والشكل  كل ما غبور يزود زرار يعملها فئة ويبيعها بسعر مختلف

رغم ان مواصفات العربية اللى نازلة مصر 4 سلندر 1600 سى سى 127.5 حصان 155 نيوتن متر وهنلاحظ ان فى حصان ونص زادوا عن مواصفات الشركة المنتجة

يعنى الشركة نفسها بتقول ان الموتور ال 1600 سي سي 126 حصان سبحان الله العربية بمجرد دخولها الحدود المصرية بقت 127.5 حصان

7 فئات يا شعب مصر العظيم كلهم بنفس المحرك والقوة والعزم والفروق مجرد فئة جنطها 15 والتانية جنط 17 على حساس مطر مع انها فى السعودية فئتين واحدة 1600 سى سى والتانية 2000 سى سى وجميع انظمة الامان والكماليات فى الفئتين

وفى اوروبا فئتين واحدة 1600 سى سى بتيربو والتانية 1400 سى سى بتيربو وبرضه كل انظمة الامان والكماليات موجودة فى الفئتين

يعنى السعر بيتحدد على قوة الموتور والعزم وال سى سى

الموضوع ده بيفكرنى بواحد اعرفه كان فاتح محل بيبيع خضار وكان فى نفس الشارع بتوع خضار كتير جدا

نفس العربية اللى بتعدى عليهم الفجر علشان توزع الخضار بتعدى على صاحبنا ده

المهم مثلا لو كلهم بتجيلهم الطماطم ب 2 جنية  وبيبيعوها ب 5 جنية وبيرموا المفعصة … صاحبنا ده جايب قرايبه بينقضوا الطماطم ويعملوا منها 7 فئات

النظيفة قوى وشكلها بيلمع وناشفة يحطها فى اطباق ويبيعها ب 20 جنية الكيلو ودى طبعا ليها زبونها الاهبل

والاقل منها شوية يغطيها بكيس ويبيعها ب 15 جنية ويقعد يقسمهم لحد مايوصل لأقل فئة اللى المفروض بتترمى عند كل بتوع الخضار يقوم رميها فى قفص وبايعها ب 2 جنية الكيلو ودى بيشتريها الغلابه اللي فاكرين انهم بيوفروا ومايعرفوش انهم واخدين زبالة مليانة امراض

هو ده اللى بيعمله غبور مع هيونداى و تقريبا مدير التسويق اتعلم من صاحبنا بتاع الخضار

عاوز اقولكم ان الموضوع ده بياكل قوى مع الناس اليومين دول مش عارف ليه … لدرجة انى لما بتكلم على فساد توكيل بالأدلة والإثباتات وفيديوهات عملاء بيشتكوا بلاقى ناس كتير بتدافع عن التوكيل  بإستماتة

رغم ان كتير منهم مش معاه عربية اصلا او معاه عربيه قديمة نوع تانى خالص ودى ظاهرة جديدة تضاف الى التغيرات اللى بيمر بيها المصريين

المهم نسيبنا من بتوع الخضار وخلينا فى الهم اللى احنا فيه  

سعر اعلى نسخة SE اللى سعة محركها 2000 سى سى ونازلة الخليج والسعودية  والمزودة بجميع الكماليات تباع ب 18.950 دولار امريكى او مايعادل 71 الف ريال او بالمصرى 303 الف جنية

هنا فى مصر ال 7 نسخ اقل نسخة فيهم منزوعة الدسم سعرها  307 الف جنية  واعلى نسخة سعرها  440 الف جنية … يعنى الفرق بينهم 130 الف جنية لكن الموتور والعزم والقدرة وناقل الحركة واحد

نيجى بقا لمواصفات الهيونداى النترا AD المباعة فى مصر

مش عارف بصراحة اتكلم عن انهى فئة من ال 7 من كتر حلاوتهم

عموما هنتكلم عن اللى معانا فى الفيديو

وهى الاكسكلوسيف وترتيبها الفئة الخامسة

بالنسبة للأبعاد

 الطول الكلى (مم)4,620

العرض الكلى (مم)1,800

الارتفاع الكلى (مم)1,450

قاعدة العجلات (مم)2,700

ارتفاع المركبة عن الارض (مم)150

السعة التخزينية لصندوق الامتعة (لتر)407

نظام التعليق

امامي

Macpherson Strut

خلفي

Coupled Torsion Beam Axle

نوع المساعدين

Hydraulic Twin Tube Shock Absorber With Gas

نظام الفرامل

أمامي

Ventilated Discs 15″

خلفي

Solid Discs 14″

القوة والآداء

السعة اللترية (CC)

1,591 GAMMA 1.6 MPI

اقصى قوة حصانية (Hp/Rpm)

127.5 / 6,300

اقصى عزم (Nm /Rpm)

155 / 4,850

نظام الصبابات

16 Valve

عدد السيلندرات

4 IN-LINE

سعة خزان الوقود (لتر)

50

ناقل حركة اوتوماتيك 6 سرعات

يوجد

التوجية والإطارات

عجلة قيادة الية كهربية

يوجد

جنوط سبور مقاس “17 (225/45 R17)

يوجد

اطار احتياطي كامل الومنيوم

يوجد

الامان والحماية

نظام منع ادارة المحرك

يوجد

وسائد هوائية للسائق و لراكب الامامي

يوجد

وسائد هوائية جانبية

لايوجد

مكابح مضادة للانغلاق

يوجد

توزيع إلكتروني لقوة المكابح

يوجد

نظام الاتزان الالكتروني

لايوجد

برنامج التوازن عند المرتفعات

لايوجد

كشف النقط العمياء

لايوجد

كاميرا للرؤية الخلفية

يوجد

مراَه داخلية زاتية التعتيم

يوجد

جهاز تحذير المسافة الخلفية

يوجد

جهاز تحذير المسافة الأماميه

لايوجد

فوانيس شبورة خلفية

يوجد

الكماليات

مفتاح ذكي و امكانية ادارة المحرك بدون مفتاح

يوجد

خاصية فتح صندوق الامتعه بدون مفتاح

يوجد

عدادات متطورة مزودة بشاشة LCD “4.2

يوجد

مخرج كهرباء 12 فولت

يوجد

شاحن USB للهاتف المحمول

يوجد

عجلة قيادة متعددة المهام

يوجد

مثبت السرعة

يوجد

إمكانية إختيار نوعية القياده

يوجد

عجلة قيادة قابلة للإمالة و الامتداد

يوجد

زجاج حراري عازل لحراره الشمس

يوجد

مرايات كهربائية الطى و الضبط مزودة بإشارات جانبية

يوجد

اضاءة في المرايات الخارجيه عند فتح السيارة

يوجد

إضاءه فى المقابض الخارجيه عند فتح السيارة

يوجد

تكييف هواء أتوماتيك بتحكم ثنائي في درجة الحرارة و منقى للهواء

يوجد

فتحات تكييف خلفية

يوجد

مزيل للضباب من الزجاج الأمامى أوتوماتيكياً

يوجد

فتحة سقف كهربائية

يوجد

تحذير عند إنخفاض مستوى مياه المساحات

يوجد

حساس اضاءه أتوماتيك

يوجد

فوانيس أمامية مسلطة للأضاءة الهالوجين

يوجد

فوانيس أمامية باضاءة LED

لايوجد

اضاءة ارشادية LED

لايوجد

اضاءة اماميه خلال النهار LED

لايوجد

فوانيس LED خلفية

لايوجد

فرش فاخر للمقاعد

يوجد

مقود و ناقل حركة مكسو بالجلد

يوجد

تعديل كرسي السائق فى 6 اتجاهات

يوجد

مسند يد أمامى متحرك و صندوق تخزين مكسو بالجلد

يوجد

مسند يد خلفى مع حامل اكواب

يوجد

امكانية طي المقاعد الخلفية 60 : 40

يوجد

شبكه اماميه من الكروم

يوجد

حزام كروم خارجي للابواب

يوجد

مقابض خارجيه بطلاء من الكروم

يوجد

نظام الترفيه

وحدة صوت مع شاشة “7

يوجد

دعم لأجهزة الايفون و الاندرويد

يوجد

نظام Bluetooth® للهاتف

يوجد

عدد السماعات

6

شاحن هوائي للهاتف الجوال

يوجد

مدخل صوت AUX/USB

يوجد

فى نهاية الفيديو اتمنى لكم الصحة والسعادة

واشكركم لحسن المتابعة

السلام عليكم ورحمة الله وبركاتة

0 0

About Post Author

matrex2018

مهندس اتصالات عملت فى مجال انظمة الامان والتوجية والمحركات ونواقل الحركة الحديثة للسيارات على مدى 25 عام خبرة فى هذا المجال بيع وشراء وتقييم وإصلاح وتعديل 01113276111 - 01201039849
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

Related posts