مش هتصدق ممكن تشترى عربية اوتوماتيك فى مصر بأقل من 50 الف جنية عام 2019

Read Time13 Minute, 41 Second

السلام عليكم ورحمة الله
عودة مره اخرى بعد غياب … اهلا ومرحبا بكم
النهاردة هنتعرف على انواع  السيارات الاوتوماتيك اللى سعرها ينحصر مابين 10 الاف الى 50 الف جنية مصرى والاسعار

الاسعار والانواع من خلال اسواق السيارات   سوق سيارات العاشر بالقاهرة واسواق المحافظات
ممكن تتفرج على الفيديو من اللينك ده
السيارات اللى هنشوفها في الفيديو ده انواع مختلفة وموديلات كتير من السبعينات الى الالفينات
وترتيب السيارات في الفيديو مش بيعتمد على السعر ولا الافضلية هو ترتيب عشوائى
كلها بتشترك في حاجة واحدة وهى انها اوتوماتيك
علشان مااضيعش وقتكم ……. نبدأ على بركة الله
اول نوع معانا هو

اوبل فيكترا  ( 1994  — 1995) ——— (  40 الف — 50 الف)
عربية محترمة وقوية مشاكلها ان ال 2000 سى سى اوتوماتيك  بتسخن وحلها ميكانيكى كويس
وتغيير الزيت بشكل منتظم

بويك عموما ضعيفة وسرعتها مش كبيرة ودفع امامى يعنى كبالن ودا اكبر عيب لأن كبالنها بتضرب على طول وكل يوم عند الميكانيكى ومعظم اللى في السوق حالته تعبانه
بويك سكاى لارك 1980 —————- ( 25 الف — 30 الف)
بويك سكاى لارك  1981 ————- ( 35 الف — 45 الف)

بويك لوسابر  1990  ———— ( 30 الف — 40 الف)

بويك سنشرى  1984  ————- ( 30 الف — 40 الف)

بى ام دبيلو 316  1977  ———– ( 30 الف — 40 الف)
عيوبها المساحة الداخلية مش واسعة خصوصا الكنبة
البرومة  فلازم تكشف على الدواخل كويس …  مميزاتها  قطع غيار منتشرة
سهولة تسقيط مواتير بسعات كبيرة
متعة قيادة و ثبات مش موجود فى عربيات موديلات 2018

بيجو 504 جى ال  1977 ———–  (40 الف — 45 الف)
بيجو 504  1977  ——– (35 الف — 40 الف)
تتميز بالثبات والسحب   

تويوتا سيارة اعتمادية تقريبا معدومه الاعطال يعبها ضعف السحب فى الطلعه الاولى
تويوتا تيرسل (  85  — 88 ) ————- (40 الف —  45 الف)
تويوتا سليكا  1982  ————( 25 الف — 30 الف)
تويوتا كارينا ( 80 — 83) ——– (30 الف — 40 الف)
تويوتا كراون 1984  ————- ( 40 الف —  45 الف)
تويوتا كريسيدا ( 82  — 88) ———–  (  30 الف —  40 الف)

تويوتا كورولا(  82 —  85) ————— ( 30 الف — 40 الف)
تويوتا كورونا  (84 — 87 )  ————- ( 40 الف — 45 الف)

الجولف عربيه ميختلفش عليها اتنين حمالة اسية وثابتة وقطع غيارها وحاجتها ماليه الدنيا جديد واستيراد وباسعار معقولة  كمان بالنسبة لهواه التعديلات العفشات السبور والمواتير العالية متوفرة ليها بكثرة وباسعار معقولة
فلو لقيت واحدة حلوة ومش طالعة من تحت رجل شاب عدمها العافيه توكل على الله وجيبها
جولف 1 1977 —————————( 20 الف — 30 الف)
جولف 2 جيتا 1982 ———————— ( 35 الف — 40 الف)
جولف 2 (89  — 90 ) ——– (45 الف — 50 الف)

دايهاتسو ابلوز 1991 ——– ( 40 الف  —- 50 الف)
عربية جميلة جدا قطع غيارها موجودة جديدة واستيراد عند ناس كتير في الحرفيين والوكالة
وأنا عن نفسي بسميها وحش الدايهاتسو

دايهاتسو شاريد ( 90 —  93  ) ————- (40 الف  —– 50 الف)
1000 سي سي و 3 سلندر بتوفر فى البنزين بشكل رهييييييب واطية حبتين و لكن عربية ممتازة .. ناعمة وصالونها معقول
مشكلتها اذا كان فيها تكييف , بيأثر في ادائها بصورة كبيرة كأنك راكب موتوسيكل

دايهاتسو شارمنت 1982  ——— ( 30 الف — 35 الف)
تتمير بالاتي :
1-عمليه واعتماديه
2-اقتصاديه في التشغيل : سواء في الوقود او اسعار قطع الغيار
3-سهلة في القياده وناعمه وابعادها مريحه
4-حمالة أسيه
5- أداءها جيد … سواء قوة المحرك او الصالون والشنطه او الكماليات
العيوب قطع الغيار غير متوفره
1-    3- الدريكسيون عاده مش باور
2-    4- الكنبه الخلفيه ضيقه شويه

دايو تيكو( 94  — 96  ) ——– ( 30 الف —-  40 الف)
وتبلغ سرعة السيارة القصوي 143 كم\ساعة  وزن هذه السيارة 680  كجم التكييف بتاعها كويس على الطرق الطويلة لكن مبتقدرش تستحمل يوم زحمة جامدة في وسط البلد بالتكييف لازم يتقفل. قطع الغيار نادرة بس ممكن توفق مع الماروتى والماتيز

دايو ريسر  (  92  —95 ) ———-(  40 الف —- 50 الف)
ألناس بتركب دايو عشان سهولة الصيانة و توافر قطع الغيار و سهولة اعادة البيع… مع الريسر هتفقد كل المميزات دى
قطع الغيار عايزة طولة بال و لف كتير

دايو سبيرو  ( 94  —   95) ————(  35 الف —-  50 الف)
عربية محترمة جدا
بس مشكلتها الاساسية ندرة قطاع الغيار

دايو سليو  ( 95 —- 96)  ——- ( 40 الف — 50 الف)
العربية دى جميلة وتشبه  الدايو اللانوس ف الموتور والعفشة  بنسبه 90%  اما الجير بوكس فهو هو جير بوكس اللانوس الشاسية والبودي مختلفين تماما عن اللانوس عموما العربية لو نضيفه فهي احسن من اي لانوس اما العربية لو مش نمرة واحد بلاش تشتريها اساسا

ريتمو (79  — 84)  ————– ( 20 الف — 30 الف)
السيارة من انتاج شركة فيات الايطالية.
وتعد ريتمو أولي السيارات التي تم تجميعها بواسطةالريبوتات ( المكينات الاليه ) دون التدخل الادمي.
تم انتاج هذة السيارة من مطلع عام 1979 وحتي نهاية عام 1989. مميزات الريتمو
– الريتمو تمتاز بموتور قوي
– الصالون اوسع من 128 وبالطبع 127
– انعم في السحب ونعومة في الاداء
عيوبها  تواجه مشكلة في الثبات في السرعات العالية غير سهلة في اعادة البيع بعكس 128 و127 الموتور علي علب كسائر الفيات ذلك يؤدي لاشهر عيب في السياره الريتمو انها تفتح شاسيه

ريجاتا ( 85  — 86  ) ———- (20 الف — 25 الف) المميزات
تسارع ممتاز وموتور قوى
ثبات اكثر من ممتاز
عفشة قوية ومناسبة جدا لارتفاعها عن المطبات
كماليات كويسة بالمقارنة بالعربيات اللى فى نفس المستوى ( تكييف وسنتر وزجاج كهرباء وكمبيوتر اعطال)
صالون واسع ومريح
عيوب العربية
اكتر العربيات فيها بارومة
قطع غيار غالية بالمقارنة بالشاهين مثلا او الفيات القديم عامة وبعض قطع الغيار ممكن تتعب شوية عقبال ما تلاقيها
التكييف مش قوى وبقدر تاثيرة على اداء العربيه كعادة الاوروبى القديم

رينو 5  1987  ————– ( 30 الف —  35 الف)
عربية خسارة فيها الكلام قطع غيار نادرة ولو لاقيتها هتلاقيها غاليه والعربية ضعيفة جدا ولكن تصنف من العربيات الاوتوماتيك في حدود السعر اللى بنتكلم عنه

رينو 9 1985 ———————( 20 الف — 25 الف) عربية ضعيفة وقطع غيارها نادرة وغالية

سوبارو امبريزا  1998  ———– ( 35 الف —  40 الف) هى عربيه جميله
و قويه و متينه
يعيبها انها
مش منتشره خالص
لو سالت ميكانيكى او اى واحد هيقولك ايه دى
تانى حاجه ملهاش قطع غيار خالص
و لو لاقيت
هتلاقى فى بور سعيد
و هتسمع اسعار مبالغ فيها

سوزوكى سويفت 1994  ———— ( 40 الف —  50 الف) عربية ممتازة عيوبها العفشة بتحتاج صيانة ومتابعة بتعوم على السرعات العالية البرومة بتمسك فى السقف بتعها السقف غير معالج ضد الصداء الصاج خفيف
مميزتها الموتور ممتاز وصيانتة سهلة قطع غيارها رخيصة اعادة البيع ممتازة العربية ناعمة الدركسيون رغم انة مش بور بس خفيف جدا الوسع الداخلى للصالون ممتاز على الرغم انه من برة يبان صغير

سوزوكى ماروتى (1994  —  2000 ) ———( 25 الف — 35 الف)
العيوب

– الصاج ضعيف

اسطوانة الدبرياج ضعيفة

– العدادات شكلها قديم و التابلوه عامه محتاج تطوير من سوزوكي

العربية لا تتمتع باي وسائل رفاهية

عربية صغيرة الحجم سهلة فى الركن وخصوصا فى شوارع مصر

سعة المحرك صغير فاستهلاك البنزين قليل جدا فتوفر فى الميزانية جدا

قطع غيارها رخيصة جدا بالمقارنة بباقى السيارات

صيانتها لاتحتاج خبير اى ميكانيكى او كهربائى يشتغل فيها وبسهولة

سعر اعادة بيعها ممتاز لان العربية مطلوبة فى السوق المصرى

شيفروليه سبرنت 1986 ————-( 25 الف — 30 الف) عربية تحفة جدا
والأوتوماتيك بتاعها اعطاله قليلة
سحب وتجميع مفيش عربية في مصر هتسد معاك
وكل قطع غيارها سويفت
تصميم سويفت دة عملته اكثر من شركة من ضمنها شيفرولية وسوزوكي عيبها انها تقيلة فى بيعها

شيفروليه كابريس كلاسيك ( 80 — 86 ) ———— (35 الف — 45 الف) عربية قوية ومحترمة جدا ولكن قطع غيارها غير موجودة واستهلاكها للبنزين استهلاك فضائى

فورد تورس 1995 —————— ( 40 الف — 45 الف)   فخامه ثبات قوه ولكن لابد من التراجع عن اقتنائها بسبب 3000 سى سى وضريبتها العاليه واستهلاكها عالى جدا للبنزين وندره وغلو قطع غيارها

فولفو 240  1984  ————–( 40 الف  —  45 الف) فولفو من أكثر الشركات اللى بتهتم بنظم الأمان عربية كويسه من حيث الحجم والشكل الخارجي والداخلي  دبابة العربية دي لما بيركبلها قطع غيار استيراد بتبقي مشاكلها كتير لكن مع الجديد العربية دي تقريبا مش بتبوظ والخامات المستخدمة في صناعتها معمرة جدا وحاجاتها رخيصة   سيارة غير معقدة يعني صيانتها سهلة

فولفو 244  1983  ———-  ( 45 الف —- 50 الف) محترمة جدا وممتازة من نواحي كتير زي: متانة المحرك وقوته، الصاج المتين جدا، صالون واسع ومساحات تخزينية، شنطة كبيرة، ثبات في السرعات العالية والدورانات، عالية عن الأرض، دفع خلفي، قطع غيار معمرة
بس من ناحية إعادة البيع فهي صعبة حبتين تلاتة إلا لو حد غاوي، واستهلاك البنزين عالي لو مشاويرك كلها وسط البلد وداخل المدينة، أما لو حياتك كلها سفر فالإستهلاك عادي والموتور بيشتغل 80و 90 و92 معندوش مشاكل

فولفو 244  1978  —————- ( 35 الف —- 40 الف)

فولفو 740  (83 —  84) —————- ( 45 الف — 50 الف)  منها 2000 و 2300 سي سي بتتميز بأنها أفخم من ال 240 و فيها كماليات أكثر و انسيابية و تصميمها الطف من ال 240 في منها عادة و تربو انتهى انتاجها سنة 1992 و العربية دي على الرغم من انها ممتازة و أداءها أحسن من ال 240 لكن ما لاقتش شعبية زي ال 240 مع المصريين

فيات 131 1983  —————- (25 الف — 35 الف)  بطله راليات السبعينات
الموتورالاسطوره 2 كامه 2000 سي سي من تعديل ابارث بقوه 140 حصان من افضل مواتير القرن الماضي علي الاطلاق عربية فعلا ممتازة و عمليه لكن يعيبها نوعا ما نظام التبريد بتاعها دائم المشاكل  صالون ال 131 واسع

فيات 132 (77  —  79 ) ———— ( 15 الف —  20 الف)

السياره 132 2000 سى سى اول انتاج للسياره سنه 1977 واخر انتاج سنه 1982 والسياره من سنه 1981 و 1982 كانت صناعه اسبانيه وتسمى 132 سيات ولكن من سنه 1977 الى 1980 كانت ايطاليه والمانيه الصنع . اما بالنسبه لمميزات السياره فهى من اقوى السيارات من حيث قوه الصاج ووزن السياره وايضا راسيه على الطريق بسبب ثقل وزنها . اما بالنسبه للموتور فهو 2000 سى سى مما يجعله قوى جدا فى الاداء وسحب السياره العفشه تتكون من 2 مقص و اسكترا و 2 باره طرف فالفرق كبير جدا فى تكوين العفشه مما يجعلها مكلفه جدا عند صيانتها وايضا اعطال العفشه كثيره جدا . اما بالنسبه لاسعار قطع الغيار فهى تعد من اغلى قطع غيار السيارات الفيات

فيات ارجينتا 1982 ————— (25 الف — 30 الف) صالونها واسع وشنطتها واسعة
والكمبيوتر بتاعها مفيد وفيه معلومات زى ان كان فيه ابواب مفتوحة ومبين لتآكل التيل ومبين يوضح ان فيه لمبة مش قايدة سواء من الفانوس الامامى او الخلفى والتابلوه فيه عداد بيوضح مدى ضغطك على دواسة البنزين طبعا ثابتة بسبب تقلها
فيها باور وسنتر تشبه كثيرا السياره 132 والموتور والعفشه واحد تقريبا مع اختلاف بسيط فى المقصات

فيات ارجينتا 1985  ————— (40 الف — 50 الف)

كاديلاك  1978  —————— ( 25 الف —  30 الف) تعتبر تاريخ في عالم السيارات صالون فخم موتور قوى هيكل صلب وكانت لفترة كبيرة سيارة الاثرياء ولكن الان اصابها العجز واصبحت عبارة عن كوكتيل سيارات ولا انصح بشرائها

كريسلر نيون  ( 97  —  98)  ———– ( 35 الف —–  40 الف)
السيارة تتمتع بصاج قوي مع تقفيل أكثر من ممتاز كما أن حجمها ليس كبير وهو ما يقلل مقاومة الهواء أثناء السير على السرعات الكبيرة ، ولها مظهر رياضي جذاب
تمتلك كرايسلر نيون موتور قوي 2000 سي سي تتمتع كرايسلر نيون بصالون رياضي ومقصورة قيادة بنفس مذاق السيارة الكوبيه
تسارع أقوى من المعتاد – ثبات كبير
عيوبها
• 
قطع الغيار نادرة وفي حال تواجدها فإنها تعرض للبيع بأرقام خيالية
•  السيارة منخفضة ولا تصلح للسير بها في المطبات
•  معدل إستهلاك الوقود مرتفع

كيا برايد ( 93  —  98 ) ————– ( 30 الف —  40 الف)
كيا برايد (2000 —   2004)———————- (45 الف — 50 الف) هي كرابرتير
وبالتالي تقدر تستعمل معاها بنزين 80
شنطتها واسعه
اسعار قطع الغيار معقولة عيوبها عزلها للصوت والتراب وحش
هي حلوة لو انتوا اسرة صغيرة
متحاولش تركب على الكنبة اللي ورا 3 اتنين بس كفاية علشان متحكش في المطبات
سحبها كويس
الثبات سئ اوعي تفكر تعدي سرعة 100
القعدة فيها مريحة سواء كنت قاعد ورا او قدام

لادا    2107    (  2004  — 2005 ) ———- (40 الف — 45 الف) رفاهية قليلة تكنولوجيا قديمة ولكن اعتمادية جدا وصيانتها و قطع غيارها عند البقال التكييف ضعيف و الباور سيء على الطرق السريعة لانه مابيفصلش بشكل تدريجي ولكن بيفصل فصلة واحدة كده من بعد 100 كم/س

مازدا 626 جى تى  1989  ———-(  30 الف — 35 الف) المازدا 626 تتميزبالقوة والتحمل واقتصادية فى البنزين وتكيف قوى ولكن قطع الغيار نادرة وان وجدت غاليه جدا
مازدا 323  (١٩٨١ —  88) ——– (  35 الف —  50 الف) صالون واسع وكراسي مريحة
الشنطه واسعة جدا
العفشة ناعمة وخفيفة
السحب معقول جدا
صوت المحرك خفيف
استهلاك البنزين معقول جدا 180 الي 200 كيلو في الصفيحة
قطع الغيار متوفرة الي حد ما ولكن في اماكن معينة وسعرها معقول

مازدا 929  1980  ———– ( 20 الف — 25 الف) عربيه ممتازه و ثقيله وبتجرى ومعظم الكماليات موجوده مليانه مميزات فيها مثبت سرعه تكييف باور سنتر 4 زجاج كهرباء – شنطة وتنك كهرباء فتحة سقف كهرباء مرايات كهرباء العيوب اسعار قطع الغيار معقوله – بس بتقل وها تتعب علشان تلاقيها ممكن تلاقى عفشه وميكانيكا بس صالون واكسسوارات وفوانيس صعب عربيه تقيله في بيعها

مازدا 929 (  81  —- 83  ) —————(  30 الف — 40 الف)
متسوبيشى جالنت 1982  ————-  (  25 الف —–  30 الف)
متسوبيشى جالنت (  84 —  86 ) ——-  (  35 الف —— 45 الف) عربية محترمة وقوية ولكن قطع غيارها نادرة وان وجدت تباع باسعار غالية

متسوبيشى كولت  ( 82 — 84 ) ———- (  20 الف — 25 الف) عربية محترمة وقوية ولكن قطع غيارها نادرة وان وجدت تباع باسعار غالية

متسوبيشى لانسر( ٩٠ — 91 ) —— – ( 45 الف —- 50 الف) ثبات عالي جداااااااااا
موفرة في البنزين قطع غيارها متوفرة ويمكن توفيقها مع الهيونداى اكسيل بيعها سهل جدا

مرسيدس 200 جاز  1975  ———( 35 الف — 45 الف) عربية قوية موفره صالون واسع جدا  قطع غيار موجودة استيراد سيارة اعتمادية ثابتة على الطريق

مرسيدس 200 ( 76  —  78 ) ——— ( 25 الف — 35 الف)

مرسيدس سى 280  1975 ——————- ( 35 الف — 40 الف) عربيه وهميه محدش ينكر ده لكن اول حاجه الموتور كبيير و استهلاكه عالى فى البنزيين و كمان الرشاشات نظمها قديم قبل ميعملوا الرشاشات الكهرباء قطع الغيار كمان قلت بسبب العمر و مش حتكون رخيصه ولو حد قالك هاتها و حطلها بنزيين 80 حتقرفك كل شويه و مش حتحس انك راكب 280 و كمان الحجم كبيير على داخل البلد لو مشاويرك كلها سفر مفيش مشكله لكن هى كعربيه ثباتها عالى جدا و جرايه و قطع غيارها معمره جدا و تستحمل و من اكتر الموديلات اللى سمعت فى مرسيدس كفايه انها لسه فيه منها فى عربيات الرئاسه لدلوقت

مرسيدس 200  1979  ———— (40 الف  – 50 الف)

مرسيدس 230 ( 77  —  80 ) ——— ( 35 الف — 45 الف)

نيسان صنى 1984 —————— ( 30 الف —  35 الف) قدرات فائقة على السحب قدرات تبريد عالية من عيوبها انها  من أكثر السيارات استهلاكًا للوقود وأسعار قطع الغيار مرتفعة

نيسان مارش 1990  ——————–  ( 35 الف —  40 الف) من الموديلات النادرة في نوع نيسان وبالتالى قطع غيار غير متوفرة ولو لاقيتها هتكون غالية جدا ولا انصح بشرائها

هوندا سيفيك (  84 – 90 ) ——  (  40 الف   – 50 الف) اول ظهور لهذة السيارة عام1987وتم وقف انتاجها عام 1991
واستطاعت هذة السيارة ان تنال اعجاب الجميع بفضل نظام تعليقها المبتكر وتصميمها الرائع وجودة الخامات
المميزات
1- شكل جميل وانسيابى
2- ثبات عالى جدا
3- قطع غيار متوافرة وغير مبالغ فى ثمنها
4- اعتمادية جدا
5- اتساع مقصورة الركاب
6- ماتور جميل هادىء سريع الاستجابة

عيوب السيارة :
1- اداء التكييف ضعيف نسبيا ويأخذ فترة للوصول لدرجة البرودة المطلوبة
2- انخفاض السيارة بما لا يلاءم السير فى شوارعنا
3- ضعف الماتور بناقل الحركة الاتوماتيك

هوندا اكورد (82 — 89) ——-  (  30 الف —– 40 الف ) هوندا اكورد موديل 86-89 الجيل التالت ونزل بمحركات 1800 سى سى و2000 سى سى فيه منها كربيراتير وفيه منها انجيكشن والفرق مابين الفوانيس العادية والقلابة لموديلات نفس السنة ان الموديل اللى فيه فوانيس عادية دى كانت فى الاصدار الاوروبى واليابانى لكن الموديلات لباقى الدول كانت بفوانيس قلاب بالنسبة لقطع الغيار قليلة وغالية جدا وخصوصا قطع غيار الاكسسورارت الخارجية

هوندا بريليود كوبيه 1982  ———— 35 الف  مواتير قويه
ثبات عالى
صالون هايل
صممت العربيه دى علشان تكون عربيات تستخدم للجرى و ليس للعائلات
لانها اتت ب 2 باب فقط
عيوب العربيه
واطيه على الارض و ده علشان الثبات
ضيقه والمواتير الكبيره بتاكل بنزين

هيونداى اكسيل ( 97  —-  98) ——  (40 الف —-  50 الف مميزاتها  الحجم جميل – الموتور 1500 ممتاز – الخليجي منها محترم
جميع الكماليات فى العربيات الجديده فيها
دركسيون طرى وأوسعه فى صالونها
مميز فيها الموتور و الحجم العائلى و النعومه وسعر قطع الغيارمعقولة
عيوبها
الصاج ضعيف جدا
واطيه على الارض
العفشه ضعيفه و الشاسيه ممكن يشرخ منك
العفشه ضعيفه جدا

هيونداى بونى( 83 —  84 ) ——- ( 25 الف — 30 الف) عربية نادرة بالسوق المصرى وقطع غيارها غير موجودة وان وجدت تكون غالية جدا ولا انصح بشرائها

هيونداى الينترا ( 89  — 94) ———-  40 الف —- 50 الف سياره محترمه جدا مميزاتها 
نعومة الماتور وصوته الهادئ
الباور قوى
العزل ممتاز
مش ناشفة
فراملها باللمس
ودى أخر عربية معانا واتمنى اكون قدمت معلومة مفيدة

0 0

About Post Author

ehab Bakr

مهندس اتصالات عملت فى مجال انظمة الامان والتوجية والمحركات ونواقل الحركة الحديثة للسيارات على مدى 25 عام خبرة فى هذا المجال بيع وشراء وتقييم وإصلاح وتعديل للتواصل التجاري والاعلانات فقط : sooqbakr@gmail.com
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

Related posts